Hætturnar leynast víða

Það eru víða öfl í heiminum sem leitast við að breyta netinu og eðli þess. Það er ekki einungis ritskoðun stjórnvalda sem ógnar netinu, heldur eru líka uppi hugmyndir um að afnema svokallað net neutrality (nethlutleysi?). Þetta er regla sem hefur verið viðhaldið allt frá upphafi alnetsins, en hún kveður á um að öllum þjónustuaðilum er skylt að veita öllum gagnastraumum sama forgang. Hins vegar vilja margir stórir þjónustuaðilar (aðallega í Bandaríkjum) láta afnema lög þessu að lútandi, til að geta gert upp á milli efnis. Þannig gætu þessir aðilar til dæmis gert samninga við ákveðin fyrirtæki til að veita þeirra gögnum hærri forgang á sínu neti, og á móti hægt á gögnum frá samkeppnisaðilum, eða jafnvel blokkað á þau alfarið.

Með þessu yrði alnetið sumsé í raun ekki lengur 'alnet' heldur myndi skipta miklu máli hjá hvaða þjónustuaðila maður er. Í stað þess að veita einfaldlega aðgang að alnetinu gegn greiðslu yrðu þjónustuaðilarnir orðnir að mótunaraðilum þess. Þetta er hættuleg hugmynd sem ég vona að nái ekki hljómgrunni meðal pólitíkusanna þarna vestra ... en hvað veit maður um hvaða vitleysu þeir taka upp á? 

Til að fræðast frekar um málið mæli ég með þessu:

http://www.savetheinternet.com/=faq

Annars prófaði ég að gúgla 'amnesty internet' og komst að því að samtökin hafa sett upp heimasíðu sem er helguð baráttunni gegn ritskoðun á netinu:

http://irrepressible.info/

 

Amnesty óttast ritskoðun á netinu

Athugasemdir

[krossgata, 6.6.2007 kl. 14:12]

Já það segirðu satt, "hvað veit maður um hvaða vitleysu þeir taka upp á" þarna vestra.  Það er eins gott að hinn almenni netnotandi sé meðvitaður um hvað er að gerast í þessum efnum.  Munstrið í bandaríkjahrepp er nú einmitt á þann veginn að peningarnir móta, því gæti þetta nethlutleysi hæglega verið í hættu.