Sálmur

Undirrót allra lasta
Ágirndin kölluð er
Frómleika frá sér kasta
Fjárplógsmenn ágjarnir,
Sem freklega elska féð,
Auði með okri safna,
Andlegri blessun hafna,
En setja sál í veð.

---

Gott hjá Samfylkingunni annars að láta í sér heyra. Mér er þó spurn; greiddu ekki fulltrúar flokksins í bankaráði atkvæði með hækkuninni? Mér skilst að þeir hafi 'náð' að lækka hana úr 250 þúsundum niður í 200 þúsund, en hví ekki að greiða atkvæði gegn hækkun alfarið, fyrst flokkurinn leggst núna svo gegn henni?

Önnur spurning: Finnst Hannesi Hólmsteini Gissurarsyni sér virkilega stætt á að sitja í stjórn ríkisrekinnar stofnunnar, ofan á það að þiggja laun frá ríkisháskóla? Ég veit að þetta er óttaleg smámennska í mér, en ég hef alltaf furðað mig á því hvernig í fjáranum maðurinn getur samræmt það í kollinum á sér að vera últra-frjálshyggjumaður við það að hann þiggur nánast allar sínar tekjur úr ríkiskassanum. Hér mætti líka nefna til dæmis Ríkissjónvarpið, Námsgagnastofnun, og sitthvað fleira ... en á ferli prófessorins eru afskaplega fá dæmi þess að hann hafi fengið peninga frá einkaaðila. Kúnstugt.

Bankaráð Seðlabankans gagnrýnt á Alþingi

Athugasemdir

[Tinna Gunnarsdóttir Gígja, 13.6.2007 kl. 01:37]

Æ, sko, þú veist, það er sko allt öðruvísi þegar það er Hannes. Hann er svo spes.  

[Þarfagreinir, 13.6.2007 kl. 16:51]

Já, Hannes er spes. Því neita ég ekki.

[Guðsteinn Haukur Barkarson, 18.6.2007 kl. 19:07]

Mér finnst reyndar þessi sálmur eða ljóð lýsa Sjöllunum 100%   Gott hjá þér Dóri minn !

[Þarfagreinir, 18.6.2007 kl. 19:56]

Sálmurinn er reyndar eftir Hallgrím Pétursson, og Davíð Oddsson vitnaði í hann í áramótaræðu sinni, árið sem hann tók sparifé sitt út úr KB banka. Mér þótti þetta því eiga vel við hér.